Tunisia-online

تينيزيا أونلاين هو منتدى تونسي جديد و لذلك اذا كنت تريد أن تصبح من المشرفين عليه لا تتردد في التسجيل خاصة و أنه لا يتطلب دعوة على غرار المنتديات الاخرى مثل تينيزيا سات و غيرها من المنتديات.


    سيناريو الحلقة الأخيرة لمكتوب

    شاطر

    tarek.b.s
    Admin

    عدد المساهمات : 100
    نقاط : 26779
    السٌّمعَة : 3
    تاريخ التسجيل : 12/09/2009

    سيناريو الحلقة الأخيرة لمكتوب

    مُساهمة  tarek.b.s في الأحد سبتمبر 20, 2009 1:11 am


    1/jardin maison idriss/int /nuit
    chokri/montassar/un gardien
    Le gardien qui étranglait chokri par derrière relâche soudain sa prise
    et s’effondre, chokri se retourne surpris et découvre que c’est
    montassar qui l’a assommé avec une batte de base ball
    chokri et montassar chuchotent
    منتصر
    مات ؟؟؟؟؟
    شكري
    لا حي ما تخافش داخ و برا اهوكا يتنفس
    منتصر
    الحمد الله
    شكري
    آش تعمل هوني انتي...
    منتصر
    تبعتك ...ما نجمتش نخليك وحدك
    شكري
    علاش هكا ...ماني قتلك كل واحد عندو ثنية توا
    منتصر
    كان ما جيتش انا راك توا مكتف عند ادريس و الله اعلم آش كان يعملك
    شكري
    باهي باهي...انتي جيت جيت توا ادخل معايا
    منتصر
    وين للدار؟
    شكري
    ايه للدار
    شكري
    الناس الكل لداخل
    شكري
    منتا يا باش اتبعني و تسكت ياما روح من غير ما تعطلني
    منتصر
    باهي شوكو هاني جيت معاك
    شكري
    بالسياسة من غير حس ...
    منتصر
    و آش باش نعملو لداخل ؟
    شكري
    آش عليك تبعني و اسكت

    2/maison idriss /salon/int /nuit
    chokri/montassar/idriss et sa famille
    chokri et montassar font violemment irruption dans le salon, idriss est
    surpris , sa famille est terrorisée, les petites filles pleurent
    شكري brandissant une arme
    حتى حد ما يتحرك....
    ادريس
    شنية الحكاية هاذي ...يا شكري راهو ما يجيش هكا
    شكري
    انتي تسكت عندي حساب كبير معاك ...قول لجماعتك يطلعو لفوق
    ادريس
    يا شكري وسع بالك ياخي الحكاية وصلت للحد هذا شبيك خذيت الامور بصفة شخصية
    شكري –يصيح-
    قتلك قول لجماعتك يطلعو
    ادريس
    اطلعو لفوق
    ابن ادريس
    ما نخليكش وحدك...
    ادريس
    قتلك طلع امك و اخواتك و اطلع عيش ولدي تو نفضها انا وياه ما تخافش عليا
    la famille d’idriss ne bouge pas , ils sont terrorisés
    شكري
    ياخي موش قاللكم اطلعو ؟
    ادريس
    ما تخافوش عليا ...هذاكا شكري ولدي و حصل سوء تفاهم ما بيناتنا تو نحلوه بالطرق السلمية ...اطلعو لفوق
    شكري
    منتا اطلع معاهم عس عليهم ...قبل ما تطلعو حطو بورتابلواتكم الكل فوفق الطاولة
    Ils s’exécutent, les femmes pleurent, les enfants sanglotent
    شكري
    هيا تحركو
    ادريس
    اطلعو ..كيما قلتلكم نصيف ساعة اخرى نكونو حلينا المشكلة ...ما تخافوش...ما تخافوش
    ils montent
    شكري
    منتا ما تخلي حتى حد منهم ما يتحرك سمعتني ؟ ...واحد منكم يتنفس نحط رصاصة في راس بوكم
    منتصر
    باهي ...
    ils prennent les escaliers , chokri s’assoit sur un canapé et garde idriss debout devant lui
    شكري
    آه سي ادريس عندنا حساب كبييييييير مع بعضنا
    ادريس
    وصلنا للمواصل هاذي شكري ؟ تجبد عليا السلاح ؟
    شكري
    ما خليتلي حتى حل آخر ...ويني مريم ؟
    ادريس
    موش هوني
    شكري
    ويني
    ادريس
    مع كمال
    chokri est furieux
    شكري
    سيبت عليها كمال الكلب ؟
    ادريس
    ما عندو ما عمللها يعس عليها و برا
    شكري
    والله ورحمة يما كان يطلع مس فيها شعرة لاما نززركم الزوز...انتي و كمال !!
    ادريس
    فاش قام الحديث هذا توا
    شكري
    هاني حلفت بربي و بامي ...و مانيش نفدلك...كلمو قلو يجيبها
    ادريس
    توا ؟
    شكري –يصيح-
    لا غدوة ...من غير ما تبدى تتزلبط عليا ادريس و تحاول تربح في الوقت ...هز
    تاليفون من اللي فوق الطاولة و اطلبو قلو يجيبها و يجي ...عندك نصف ساعة
    ...ما تجيش بعد نصف ساعة نقتلك
    idriss s’exécute, il prend un portable sur la table et compose le numéro de kamel
    ادريس
    آلو ...كمال ...جيب مريم و ايجا ...ايه للدار ...مستانس تسال انتي ؟ ايه
    وحدي في الدار حاجتي بيك انتي وياها توا ...نصف ساعة تكون حذايا ...نصف
    ساعة كمال
    شكري
    صحيتك ....


    3/maison mahdi /int /nuit
    jamila /riadh/tante mahdi (jnayna ) /mahdi /figurants
    la maison est pleine d’invités , jamila est très bien habillée , genre
    tabdila , jnayna aussi , il ya une musique de circonstance

    رياض
    وقيت عاد باش نمشيو نجيبو العروسة
    جميلة
    تي هو العروس مازال ما حضرش ...خلي العروسة
    جنينة
    كل شي حاضر ؟
    جميلة
    كل شي
    رياض
    شبيه دالي لتوا لا جاء
    جميلة
    الطيارة متاعو وخرت ...باش يجي طول للصالة هو وشهناز و بية
    جنينة
    ما نسيتو شي
    جميلة
    بقدرة ربي لا ...شوف رياض عيش ولدي انتي سكر باب الدار كيف نخرجو احنا الكل
    رياض
    باهي خالتي جميلة
    جنينة
    خسارة مراد موش حاضر و الله قعدت اكا حدي
    جميلة
    الله غالب كل شي جاء مزروب مع بعضو و هو مازال كيف شد الخدمة ما ينجمش ياخذ كونجي

    رياض
    ربي معاه ...
    Mahdi descend les escaliers, il porte un costume et tien le bouquet
    qu’il va offrir à la mariée, les femmes présentes poussent des yous yous

    جميلة
    تبارك الله على ولدي محصن مضمن ...هذا النهار اللي كنت نستنى فيه ..ايجى بوس امك
    Mahdi embrasse sa mère
    مهدي
    امي باهية كسوتي ؟ واتاتني ؟
    جميلة
    تهبل عليك ...مقوى سعدها العروسة
    جنينة
    ماصاب خويا الحاج جاء حي ...الله يرحمو
    جميلة
    الله يرحمو ...
    رياض
    هيا نمشيو ؟
    جميلة
    مهدي عروستك روحت مالحجامة ؟
    مهدي
    ايه توا كلمتها قبل ما نهبط قالتلي في الثنية مروحة لدارهم
    جنينة
    امالا وقيت باش نخرجو
    مهدي
    ايه ماعادش بكري
    جميلة
    كيما قتلك رياض ...انتي سكر الباب ورانا
    رياض
    باهي خالتي جميلة
    elles poussent des yous yous et se dirigent vers la porte.

    4/maison driss /salon/nuit
    choko /driss/kamel /mariem
    kamel rentre avec mariem , au début il ne voit pas chokri , mariem est ligotée .
    كمال
    علاش هالزربة الكل سي ادريس؟ ما خرجتها كان بالسيف شقيت بيها تونس كاملة و هي مربوطة في الكرهبة بربي كان وقفني بوليس ؟
    شكري
    انا مزروب ...موش عرفك ....
    chokri pointe son arme sur kamel , mariem pleure , kamel est choqué .
    شكري
    ما كنتش تستنى فيها هاذي آه....قوية على مخك
    كمال
    انا عبد مامور شوكو اللي يقولوهولي نعملو
    شكري
    ريت كيفاش دار عليك ....راهو كلب و غدار و انا نعرفو اكثر مالناس الكل
    ...لقطتو مالشارع و رديتو عبد ...و اول واحد دار عليا هو...لا عهد لا
    ميثاق ...وخر لتالي ...ايجا مريم
    kamel s’exécute ; mariem avance vers choko et se jette dans ses bras , il la regarde avec tendresse

    شكري
    مريم آش عملولك ؟
    mariem éclate en sanglots
    شكري
    شكون ؟
    مريم
    هو
    كمال
    امان شوكو...ما تصدقهاش و الله لا عملتلها شي ...ما مسيتهاش
    شكري hors de lui
    ماكش راجل ...كلب و حيوان ..
    كمال
    امان شوكو سامحني ...سامحني
    chokri tire sur kamel qui s’effondre mort
    mariem crie terrorisée
    driss profite de la situation , il sort un petit pistolet de dessous son pantalon , mariem le voit , elle crie
    مريم
    شكري رد بالك
    chokri se retourne et tire sur idriss qui s’effondre
    mariem est terrorisée , il la libère

    شكري
    ما تخافش مريومة
    مريم
    قتلتهم....قتلتهم
    شكري
    كان ما قتلتهمش انا راهم هوما قتلونا
    مريم
    علاش شوكو...علاش تعمل هكا
    شكري
    قلي آش عملك مريم
    mariem garde la silence , chokri est hors de lui
    شكري
    الموت شوية فيه ...سامحني مريومة ...سامحني
    mariem a l’air affaiblie et terrorisée



    5/rue devant maison idriss /ext/nuit
    2 policiers
    Les policiers sont en civil dans une voiture de service
    il prend son appareil et appelle

    الشرطي 1
    سمعنا اطلاق رصاص مالفيلا متاع ادريس ...قواتنا لازم تلتحق بعبن المكان ...نعاود ...اطلاق رصاص حاجتنا بقوات على عين المكان حالا ...
    الشرطي2
    ما انجموش ندخلو وحدنا مخطرة ياسر العملية
    الشرطي 1
    جماعة مسلحين و ما نعرفوش عددهم قداش بالظبط يلزمنا نستناو المفتش خالد و بقية الولاد باش هو يقلنا كيفاش نتدخلو

    6/maison driss /salon /int/nuit
    chokri/mariem /montassar /kamel /idriss
    montassar inquiet descend les escaliers il découvre la scène atterré
    منتصر
    شكري آش عملت شوكو ؟؟؟
    شكري
    grand ménage
    منتصر
    علاش هكا شكري ...تقتل زوز ارواح...علاش عيش خويا
    شكري
    مالاول قتلك ما تجيش ...انتي تبعتني ...ما تبداش تتبكى عليا توا ...قلي الساعة الي الفوق آش عملتلهم
    منتصر
    سكرت عليهم باب البيت بالمفتاح و خليتهم غادي و هبطت ...
    شكري
    هيا امالا اخرج

    منتصر
    وين ؟
    شكري
    باش نقطعو قبل ما يخلط الحاكم
    منتصر
    توا ماتو ماتو ؟ بالكشي فمة واحد منهم حي نهزوه للصبيطار
    شكري –يصيح-
    ماتو ...و حتى كان جاء فمة واحد منهم حي نزيدو رصاصة في مخو نقتلو عالبلاصة ...باهي هكا ؟ هيا اخرج
    شكري
    باش نقلبو هيا تبعني هيا مريم
    mariem recule et s’enfuit , elle ne veut pas le suivre , elle crie hystériquement
    مريم
    يا مجرم ..يا مجرم ...ما نمشيش معاك
    chokri la prend de force et l’entraine au dehors
    مريم
    ما تمسنيش ...ما تحطش عليا يدك ...

    maison salima /int /nuit
    salima et sa famille +figurants
    salima arrive de chez le coiffeur avec sa robe de mariée , sa famille est présente , les femmes poussent des yous yous
    منية
    تبارك الله على بنتي ...محلاك طلعت ...اشب عروسة في الدنيا
    سليمة
    بلحق ماما عجبتك ؟
    منية
    شنوة عجبتني ..تهبل تهبل يعيشلي بنتي ...آه الجماعة وقتاش جايين ؟

    سليمة
    توا خرجو مالدار هوما زادا ...قعدنا نتبعو في بعضنا بالتاليفون ...قريب باش يوصلو ..ربع ساعة اخرى هكاكا
    منية
    هيا باهي
    chanson de circonstance , ambiance de mariage

    8/jardin maison driss /ext/nuit
    chokri/montassar /mariem /khaled/policiers
    Les 3 sortent dans le jardin et soudain ils sont illuminés par un grand
    projecteur de police qui le somme de se rendre par le haut parleur
    منتصر
    شوكو شنوة الضو هذا ...؟
    خالد-dans un haut parleur
    المكان محاصر ...سلمو رواحكم ...نعاود الدار محاصرة مالجهات الكل سلمو رواحكم خير لكم
    منتصر
    تسمع شوكو ؟ ...الحاكم هد علينا آش باش نعملو توا ؟
    شكري
    ما عندي حتى حل آخر il sort son arme
    منتصر
    هبلت ؟ ياخي باش تيري عالبوليسية ؟
    شكري
    امالا باش نسلم روحي ...بعد بعد لا تجي فيك كرتوشة طايرة ...طبس ...مريم انتي زادا طبس
    chokri tire, la police réplique avec de nombreuses balles
    منتصر
    تسمع شوكو...قاعد تسمع في السلاح...باش تزدم عليهم بالفرد اللي في يدك ؟ تحب تنتحر ؟
    شكري
    نموت و ما ندخلش للحبس ...ايجا نرجعو للدار
    , ils se réfugient à l’intérieur de la maison
    9/maison driss .salon .int /nuit

    chokri/montassar/mariem/(k
    amel /driss morts)
    une fois dans le salon mariem chancelle , elle tombe par terre
    شكري
    مريم...مريم ...فيق ...مريم
    منتصر
    اخزر شكري ...ظهرها الكل دم...
    chokri découvre qu’elle est blessée , elle s’évanouit baignant dans son sang

    شكري-يصيح-
    مريم....مريم ...شوف معايا منتصر ..مازالت حية ؟ ...
    montassar lui touche le poignet
    منتصر
    مازالت حية ...شوكو ...ايجا نسلمو رواحنا خويا خلي يهزوها للصبيطار بالكشي
    تمنع ...امان شكري قتلك فك عليك ما تجبدش فردك عالبوليسية و اهيكا النتيجة
    رصاصة طايرة جات في مريم
    شكري
    اسكت خليني نخمم آش باش نعمل ...
    منتصر
    ما فمة ما يتعمل توا...مريم ابجل من كل شي
    شكري
    مريومة فيق امان...جاوبني ...جاوبني
    منتصر
    يا شكري راهي كل دقيقة تضيع خطر على حياتها هيا عيش خويا ...سلم روحك خلي يهزوها للصبيطار يداويوها يزي اللي جرالها في جرتك
    شكري
    ما حبيتش هذا الكل يصير


    منتصر
    اما هو صار ...و توا ما تنجم تصلح غلطتك كان كيف مريم تمنع مالموت ...بربي
    يا شكري شوف قداش قاعدة تخسر في دم ...هاذي الطفلة اللي حبيتها و هبلت
    عليها تشوف فيها تموت قدام عينك و ساكت...
    شكري
    لا ما تموتش ...موش غارق الجرح متاعها ...ما تموتش و تخليني





    10/salle des fetes –int-nuit
    famille mahdi /famille yosr/figurants + orchestre
    mahdi et yosr entrent dans la salle des fêtes de l’hôtel
    l’orchestre joue les airs de mariage , mahdi et yosr ont l’air radieux
    et très heureux , jamila d’un coté , la mère de yosr et son frère de
    l’autre , ils les installent , jamila fait le tour des tables pour
    saluer ses invités , dali , chahnaz et baya dansent , ils ont l’air
    heureux.
    يسر
    مانيش مصدقة مهدي ...كل شي صار في جمعة...باش نهبل بالفرحة
    مهدي
    حتى احنا تعذبنا برشة وبعدنا على بعضنا برشة
    يسر
    توا ماعاد يفرقنا شي
    مهدي
    انشاء الله ...في بالك اللي انتي احلى عروسة ؟ منين تجيب فيه هالزين الكل
    يسر
    انتي تشوف فيا مزيانة عزيزي
    مهدي
    موش مزيانة...قنبلة ...
    يسر
    في بالك اللي انا عاملتلك surprise ؟
    مهدي
    شنية ؟
    يسر
    تو تشوف
    la troupe s’arrête de chanter et le chanteur dit au micro
    الفنان
    نهنيو يسر و مهدي les femmes poussent des yous yous و توا باش ناخذو
    بخاطر العروسة اللي طلبت مني باش نعديلها غناية قالت اللي هي تحبها برشة
    هي و مهدي
    ils mettent une chanson douce (un slow romantique ) mahdi invite yosr à
    danser , ils dansent au milieu de la salle dans une lumière tamisée.
    يسر
    تتفكرها الغناية هاذي مهدي ؟
    مهدي
    و انا انجم ننساها
    يسر
    باش نطير مهدي ...مانيش مصدقة خايفة لا نطلع نحلم
    مهدي
    ماكش تحلم هاو باش نقرصك
    يسر-تضحك-
    لا امان
    ils rient
    jamila de l’autre coté de la salle des fêtes est debout à coté de chahnaz qui porte baya dans ses bras
    جميلة
    توا بربي فاش قام هالريق البارد هذا ...كان استنات لين روحو راهم حطو الموزيكا و شطحو راس راس ..اما هاذي سوري وساقيها بالريش
    شهناز
    اساعة محلاهم مع بعضهم خالتي جميلة
    جميلة
    ولدي خير ...اما آش تحبني نعمل شد فيها صحيح و قال منها نخلق وليت قبلت...مكتوب ...ربي يهنيهم
    dali arrive
    دالي
    شوشو tu m’accorde cette danse ?
    شهناز
    بالطبيعة...و انا انجم نقلك لا ؟
    chahnaz donne baya à jamila
    جميلة
    حتى هو دالي الغالي ..ايجا عند مامي ...يعيشلي بنتي
    شهناز
    احلى راجل في الدنيا هذاكا
    Dali et chanaz dansent, le frère de yosr et sa femme dansent aussi, d’autres couples rejoignent les mariés sur la piste.

    11/rue devant maison driss ext/nuit
    khaled /policiers
    deuxième sommation pour se rendre
    خالد
    سلمو رواحكم ...الدار محاصرة مالجهات الكل ...ما عندكم وين تهربو ...سلمو رواحكم

    12/maison driss –salon.int/nuit
    les mêmes + la famille de dirss
    chokri demande à montassar de faire sortir la famille . la famille quitte la maison
    منتصر
    تسمع فيهم شوكو...تسمع ...
    شكري
    برا اطلع لفوق هبط عايلة ادريس و اخرج انتي وياهم
    منتصر
    وانتي ؟ ومريم ؟
    شكري
    انا مانيش باش نسلم روحي ...و مريم هاي معايا
    منتصر
    يا شوكو امان ...شبيك مكبش هكا ...المنداف اطربق عليك و عليا ...اكاهو توا وقفت الزنقة بالهارب
    شكري –يصيح-
    منتا اطلع هبطهم خلي يخرجو
    montassar monte les escaliers , chokri reste seul avec mariem , il lui embrasse les mains
    شكري
    سامحني مريومة....راني نحبك برشة ...ما تمشيش و تخليني
    la famille d’idriss descend , ils voient le massacre , les femmes pleurent
    ابنة ادريس

    لاااااااااااااااااااااا...بابا .....
    شكري pointant son arme
    باش تسكر فمك و الا لكلكم تخلطو عليه ...اخرج و اسكت
    ils sortent tous en tremblant ;

    13/maison salima /int /nuit
    les mêmes + le producteur et sa famile (figurants )

    le producteur et sa famille arrivent , monia et chedly les reçoivent chaleureusement
    منية
    مرحبا مرحبا
    شادلي
    تفضلو يا جماعة مرحبا بيكم
    le marié se dirige vers salima et lui donne le bouquet de fleurs , le photographe les prend en photo


    14/rue devant maison driss .ext.nuit
    khaled /policiers /famille idris

    les femmes sont sous le choc , elles sont reçues par une ambulance qui les prend en charge et leur donne des couvertures
    عون الاسعاف
    لاباس مدام ...ماكمش مجروحين و الا حاجة ؟
    زوجة ادريس-تبكي-
    قتلولي راجلي ...راجلي مات
    عون الاسعاف
    الله يرحمو...و انتي مدام ما تجرحتش ...ما ضربوكش
    ابنة ادريس –تبكي –
    ما مسوناش احنا...اما نحس في روحي اعصابي تاعبة
    la fille d’idriss s’évanouit , les secouristes la font monter dans
    l’ambulance , de l’autre coté khaled fait des investigations avec le
    fils d’idriss qui est très bouleversé

    خالد
    تنجم توصفلي شنوة اللي صار بالظبط ؟
    ابن ادريس
    احنا ساهرين انا واختي و بناتها و امي وبابا وهجم علينا واحد بفرد ...
    خالد
    تعرفو ؟
    ابن ادريس
    لا ما نعرفوش ...اما سمعت بابا يقلو شكري
    خالد
    كنت متاكد اللي الحكاية فيها شكري بن نفيسة ايه و من بعد شنوة اللي صار؟
    ابن ادريس
    قال لصاحبو اللي معاه...اسمو منتصر كان صدقني ربي
    خالد
    ايه منتصر ...نفس الشلة اللي كنت نتبع فيهم
    ابن ادريس
    قالو طلعهم لفوق ...طلعنا حطنا في بيت النوم و سكر الباب بالمفتاح...ايه و
    قبل ما نطلعو نحالنا البورتابلوات الكل ...من بعد سمعنا ضرب كرتوش ...
    خالد
    شنوة الي صار ...شكون ضرب الكرتوش
    ابن ادريس
    شكري قتل بابا و كمال
    خالد
    قتلهم ؟ متاكد ؟
    ابن ادريس
    مانيش متاكد اما ريت بابا ملوح و بحذاه كمال و الزوز يعومو في دمهم
    خالد
    ايه لداخل توا شكون فمة ؟
    ابن ادريس
    فمة ثلاثة
    خالد
    معاهم واحد آخر ؟
    ابن ادريس
    لا وحدة اخرى ...هي بيدها يظهرلي مجروحة على خاطر ملوحة في القاع و الدم يجري
    خالد
    يا و اله مجرم ....ما تخافش تو تاخذ حقك منو ...ما عندو وين يهرب
    امالا ما عاد فمة كان المجرمين لداخل
    ابن ادريس
    يظهرلي حسب ما ريت ...قعدو هوما الزوز برك و معاهم الطفلة
    khaled prend son micro
    خالد
    شكري بن نفيسة سلم روحك ...هذا التنبيه الاخر ...سلم روحك ...

    15/salle des fetes in/nuit
    la fête continue , tout le monde est de bonne humeur , la troupe chante
    des airs tunisiens , dali salue les gens , chahnaz, jamila , jnayna et
    riadh sont assis à une table , dali vient les rejoindre
    دالي
    آه جمولتي فرحانة ؟
    جميلة
    ربي يهني
    رياض –يضحك-
    شنوة خالتي جميلة باقي ما قبلتش الحكاية
    جميلة
    لا قبلتها اما آش باش نقول الله لا يعطينا ما يغلبنا
    جنينة
    الفايدة في الهنا ...الله غالب هو اختار هاذيكا ...ربي يبقي عليهم الستر
    دالي
    اما مهدي غلبك امي
    جميلة
    لا تعب و لا نسى و لا فد و لا ركح...حتى كيف لزيتو بالسيف باش ياخذ سليمة ...ما رامهاش
    دالي
    شوشو آش قولك في العروسة
    شهناز
    مسرارة عسل ..محلاها
    دالي –يضحك-
    ريت امي محلاها مرتي الجديدة ؟ خير مالاخرى ؟
    شهناز
    يزي دالي تدكك ؟
    جميلة
    تهبل مرتك انشاء الله انتي تريض
    دالي
    عالفازة باش تقوم تشطح انتي وياها امالا ...هيا شوشو قوم حماتك تشطح
    chahnaz et jamila dansent sur la piste , dali porte baya et se dirige vers les mariés
    دالي taquine mahdi
    شنوة مهدي الليلة نحبك تنور عايلة الناجي الكل
    مهدي géné
    يزي دالي
    دالي –يضحك-
    اسمع نحبك تجيب صغير ليه ليه سمعت ؟ووليد موش بنية ...بية بوس العروسة
    يسر
    محلاها محلاها
    yosr prend baya , dali fait descendre mahdi sur la piste et danse avec lui

    16/salon maison driss .int /nuit
    les mêmes
    منتصر
    تسمع شوكو...يعيطلك باسمك قاعد
    شكري
    اول مرة في حياتي نحير ....
    منتصر
    ما كاركش قتلتهم شوكو...توا حياتنا باش تتحطم
    شكري
    تعرف كمال آش عمل لمريم والا لا ؟

    منتصر
    آش عمللها

    شكري
    تعدى عليها منتا...و تحبني نسكت ؟ كسرلي قبر يما و هربلي بسلعتي آش تحبني نعمل
    منتصر
    موش هكا شوكو...عوايدك تحسبها مليح
    شكري
    ماعادش ينفع فيها حسابات...هالبوليسية منين طلعولي هوما اللي فسدو عليا الملعوب الكل
    منتصر
    تسخايل البلاد ما فيهاش حاكم شوكو ؟ فيق ...
    شكري
    منتا برا سلم روحك انتي
    منتصر
    انا ؟
    شكري
    ايه انتي ...علاش ما تحبش ؟ هاك من قبيلة تمرج فيا
    منتصر
    لا ...موش ما نحبش اما خايف
    شكري
    forza monta
    كيما يقولو في الطليان ...
    منتصر
    و علاش تحبني نسلم روحي ؟
    شكري
    منتا انتي حكايتك فارغة موش انتي اللي حاجتهم بيك ...و موش انتي اللي قتلت...اخرج سلم روحك خلي يتلهاو شوية بالكشي انا انجم نهرب
    منتصر
    باهي شوكو
    شكري
    باش تمشي ؟
    منتصر
    ايه ...
    شكري
    نعرفك راجل بوها...عمرك ما تخليها بيا
    منتصر
    شوكو انتي كل شي ...انتي بابا و انتي امي و انتي صاحبي و خويا ...على خاطرك نعمل أي حاجة
    شكري
    زايد ماك راجل و الرجلة صعيبة ..ايجا عند خوك ...
    il le prend dans se bras , chokri pleure
    شكري
    اخرج منتا
    منتصر
    خليني نزيد معاك شوية بالكشي ما نعاودوش نراو بعضنا
    شكري
    قتلك اخرج منتا...
    منتصر
    عمري ما ننساك يا صاحبي ...
    montassar sort

    17/ devant maison idriss /ext/nuit
    montassar sort les mains en l’air , il est appréhendé par les policiers qui le menottent et le mettent dans la voiture

    18/ salle des fêtes in/nuit

    la mère de yosr , son frère , sa femme et des figurants sont assis à une table

    مريم
    تهبل يسر طلعت
    سيدة
    ريت محلاها بنتي
    ولدي
    شكون شكارة العروسة
    مريم
    ما تتصوروش قداش فرحانة اللي يسر خذات مهدي ...
    سيدة
    حتى هي شنعتني في جرتها ...هبلتني الحمد الله ...كل شي يوفى و يقعد حديث
    مريم
    هيا نقومو نشطحو نانا
    elles se dirigent vers la piste , jamila les rejoint , elles dansent ensemble , mahdi vient s’assoir à coté de riadh et de dali
    دالي
    شنوة قلقت ؟ فيسع جيت حذانا ؟
    مهدي
    مصعبها التصديرة ...نستنى وقتاش نروح
    دالي
    كيما وصيتك عاد..آآه
    رياض
    آه فرحان
    مهدي
    برشة
    دالي
    ايا هاك خذيتها يا سيدي ...نتحاسب انا وياك شهر آخر ...لاما تقلق و تفد وروحك تطلع
    رياض
    دالي ياخي تسخايل الناس الكل كيفك ؟

    مهدي
    مستحيل نقلق من يسر
    دالي
    تقول ...انا خويا بعد شهر نقلق
    رياض-يضحك-
    انتي عاد ما ريتش شكون كيفك
    دالي
    لا برشة كيفي اما يفلمو و ما يحبوش يستعرفو ..انا خويا نفد نبدل ...ما عندي حتى اشكال
    مهدي
    بالعمل شعرة لا دخلت للحبس في جرة التبديل
    ils rient , chahnaz arrive
    دالي
    هيا اسكتو اسكتو مرتي جاية ....تعرفو الاولاد لتوا لا ستانست اللي هي مرتي ديما نحس فيها صاحبتي
    ils rient
    شهناز
    ضحكوني معاكم
    دالي
    عزيزتي حكايات متاع رجال...ما يضحكوكش حتى طرف


    19/maison driss
    chokri/les policiers
    chokri entend l’appel de khaled au micro

    خالد
    النداء الاخير ...الفيلا محاصرة ...سلم روحك...النداء الاخير ...شكري بن نفيسة سلم روحك

    chokri se met auprès de mariem , il la serre dans ses bras , il prend
    son pistolet , et essaye de se tirer une balle dans la tête mais le
    pistolet est vide.


    20/ devant maison idriss /ext/nuit
    chokri/les policiers /figurants

    il sort en le braquant son pistolet sur les policiers , il est criblé par les flics

    il s’effondre sur ses genoux et lève les bras au ciel , son visage exprimant une souffrance infinie (au ralenti )


    و عيدكم مبروك و كل عام و أنتوما حييّن بخير

    سيناريو و حوار عمّ الطاهر الفازع

    tarek.b.s
    Admin

    عدد المساهمات : 100
    نقاط : 26779
    السٌّمعَة : 3
    تاريخ التسجيل : 12/09/2009

    رد: سيناريو الحلقة الأخيرة لمكتوب

    مُساهمة  tarek.b.s في الأحد سبتمبر 20, 2009 7:38 am

    ملاحضة : ادريس هو عباس


      الوقت/التاريخ الآن هو الإثنين ديسمبر 05, 2016 9:33 pm